පටාගේ වීල්බැරෝ රේස්

අද කියන්න යන්නේ ටිකක් පරණ සීන් එකක්.. අද කතාවේ ප්‍රදාන චරිත 2ක් ඉන්නවා..එක්කෙනෙක් පටා (කැම්පස් එකේ ඉන්නකන්ම මාත් එක්ක කට්ට කාපු මගේ අතිජාත මිත්‍රයා :p)අනික් කෙනා තමයි අපේ Union එහෙමත් නැත්නම් ශිෂ්‍ය සංගමයේ සාමාජික කිතුලේ.. කිතුලේ කියන්නේ කොයිවෙලෙත් හදිස්සියෙන් ඉන්න, මොකක් ඇහුවත් "හරි මචං..එහෙම කරමු..මං බියන්ගෙන් අහල කියන්නම්.." කියල කියන හරී සුපරික්ෂාකාරී චරිතයක්..එ වගේම පටා කියන්නේ උපතින්ම ලනු දෙන්නම ඉපදිච්ච එකෙක්.. ඔන්න කොහොමින් කොහොම හරි මේ සින් එක උනේ ස්පෝර්ට්ස් ඩේ එකට කලින් දවසේ. පටාට ස්පෝර්ට්ස් ඩේ එකේ තිබ්බ බාර දුර වැඩේ තමයි වීල් බැරෝ රේස් (අර එක්කෙනක් අත් දෙකෙන් තව කෙනෙක්ගේ කකුල් දෙකෙන් අල්ලන් යන්නේ )

ඇත්තටම ඉතින් මේ ඉවෙන්ට් එක කරන්න කිසිම පෙර සුදානමක් ඕනේ නෑ නේ..එ උනාට අනික් ඉවෙන්ට් කරන අයගේ වැඩේ එහාට කෝල් කරනවා. මෙහාට කෝල් කරනවා.."මචං ඇපල් ගෙඩි 10ක් තව ඕනේ වෙයි.. අඩෝ ලුණු පැකට් 2ක්ම ගෙනෙන් ..", "ඔව් ඔව් මචං නරක්වෙච්ච තක්කාලි තමයි ඕනේ " ...දැන් ඉතින් පටාටත් ඉන්න බෑ..පටත් ගත්ත කෝල් එකක් කිතුලේට..කිව්වා පටාගේ ඉවෙන්ට් 1ට ඕනි කරන බඩු ටික..කිතුලෙත් ඉතින් පුරුදු විදියටම කිව්වා.. "හරි මචං..එහෙම කරමු..මං බියන්ගෙන් අහල කියන්නම්.." කියල..ඉතිං අපේ කිතුලේ අනික් පැත්තට ගත්ත කෝල් එකක් බියන්ට..බියන් එ වෙලාවේ ඉදල තියෙන්නේ කොටුවේ 3, 4 විදි පීර පීර අඩුවට ඉවෙන්ට් එකේ බඩු තෝර තෝර..අනේ ඉතිං අපේ කිතුලේගෙන් ශිෂ්‍ය සංගම් සභාපතිට ආපු කෝල් එක බියනුත් දෙපාරක් හිතං නැතුව answer කළා..

"හෙලෝ, බියන්..මාර සීන් එක..හෙට තියෙන විල් බැරෝ රේස් එකට, එකක් 200 ගානේ විල්බැරෝ 20ක් ඕනේ..එකට 4000ක් යනවා..මොකද කරන්නේ.. " අනේ ඉතින් වැඩ නැතිවට වැඩ එක්ක හිටපු අපේ බියනට උන් හිටපු තැන් අමතක උනාලු මේක අහල..කිතුලෙත් හොදවායින් අහගත්තළු.. කිතුලේ අදටත් විල්බැරෝ එක්ක තරහයිලු..පටා තාමත් කිටුලේට කතාකරල විල්බැරෝ ගැන අහනවලු.. තව රස කතාවක් එක්ක ඉක්මනට එන්නම්..